Monday, February 4, 2013

വാക്ക്

വാക്ക് -1
----------

എന്റെ ചരമ വാര്‍ത്തയ്ക്കൊടുവില്‍ നീ
കുറിച്ചിട്ടൊരാ പ്രണയ വാക്കുകള്‍
ഒരുവേള മുന്നേ പറഞ്ഞിരുന്നെങ്കില്‍
ഞാനും പ്രാര്തിക്കുമായിരുന്നു ദീര്‌ഘായുസ്സിനായ്

വാക്ക് -2
----------

കണ്ടനാള്‍ മുതല്‍ മനസ്സില്‍ പ്രണയമായിരുന്നെങ്കിലും
തൊണ്ടയില്‍ കുരുങ്ങി പറയാഞ്ഞ വാക്കിന്റെ
തിരുശേഷിപ്പായി ഇന്നുമെന്‍ ഇടത്തിടം
ശൂന്യമായ് കിടക്കുന്നീ ജീവിതം പോലെ ..

വാക്ക് -3
------------
ഇന്നലെവരെ പലവാക്കിലവള്‍
മകള്‍ ,
പെങ്ങള്‍ ,
കൂട്ടുകാരി,
ശിഷ്യ ,
കാമുകി

ഇന്ന് പത്രത്തില്‍
ടി വി യില്‍
നാലും കൂടും കവലകളില്‍
അകത്തള ചര്‍ച്ചകളില്‍
ഒരു വാക്കില്‍ മാത്രം
"ഇര "
പീഡന കേസിലെ ഇര

5 comments:

  1. ഇര.. എന്നിട്ടും ആരും അവരെ വേട്ടക്കാര്‍ എന്ന് വിളിക്കുന്നില്ല. ഇര തേടിയവരെ :(

    ReplyDelete
  2. athe ..avar vettakkar thanne...angane vilikkapedendavar...

    ReplyDelete